Í viðtali við Fréttablaðið í dag talaði tónlistarmaðurinn Þórir eða My Summer As a Salvation Soldier um nýja plötu sína Activism.

Titill plötunnar kemur til af umræðunni um pólítíska aktívista hér á landi og þá sérstaklega um Saving Iceland hreyfinguna, en Þórir segist taka neikvæða og niðrandi umræðu um Saving Iceland mjög nærri sér. Hann er mikill stuðningsmaður hreyfingarinnar og hefur bæði tekið þátt í aðgerðum hennar sem og hjálpað til við fjáröflun. Hann lýsir einnig yfir stuðningi við pólítíska aktívista alla jafna.

Mættu margir listamenn taka Þóri sér til fyrirmyndar og vera óhræddir við að taka afstöðu án þess að hafa áhyggjur af uppskálduðu almenningsáliti.

Aftaka mælir stórlega með öllum þremur plötum Þóris og minnir á útgáfutónleika hans 14. febrúar sem um má lesa hér.