Já… ótrúlegt en satt: Aftaka á hálfs árs afmæli í dag! Megi hún vaxa og dafna um ókomna tíð. HÚRRA!

Já, meigi öll höfuð óvinanna liggja í valnum að öðru hálfu ári liðnu, svona rétt þegar aftaka fer að taka tennur.

Pólitískir molatow-kokteilar hafa splundrast í samfélaginu í gegnum aftöku. Hér kemur uppáhalds-aftöku listinn: Blóð-gjörningur við kínverska sendiráðið, hríðskota-árás-grein um Náttúru-tónleikana í Laugardalnum, sagan af anarkistanum sem hengdi fána Jörundar hundadagakonungs á stjórnarráðið á 17. júní og síðan anarkista-pissukeppnina sem af því hlaust. Samstaðan með uppþotunum í Kaupmannahöfn var mikilvæg þar sem ósáttir innflytjendur og byltingarsinnar brenndu rusl og voru með læti til að vekja athygli á níðverkum ríkisstjórnarinnar, fyrir framan Landsbankann seldi sprotafyrirtækið “allt er falt” skít úr ungum listamönnum, myndin af Magnúsi frá Akranesi og aröbunum segir ljótt en satt, hústaka í Reykjavík var skemmtilegt partý, hleranir og annar yfirvaldsviðbjóður var hálshöggvinn. Pólverjinn á klósettinu sturtaði rasistum niður í klóið og svo á Þjóðarbókhlöðunni var málað svart yfir stríð og málfrelsi og kúkað var á kapítalistana….

Svo má ekki gleyma seríunum… Valdníðsla í verki, Barnaníð Glitnis, Tekið Ofan og list sem sparkar í RASS.