Frábært hjá Hagkaup, núna er opið þar allan sólarhringinn í Skeifunni og fólk sem hefur ekki efni á jólunum getur komið og verslað jólin.

Ríkustu menn landsins eru meðal annars þeir sem eiga matvöruverslanir. Þeir eiga fleira en eina keðju og hafa búið til “samkeppni” þeirra á milli. Þeir hafa grætt á nauðsynjum annara, keypt og ritskoðað fjölmiðla og rúgið fólk á margvíslegan subbuhátt með skítlegum viðskiptaháttum kapítalismans. Samt bera margir lærða virðingu fyrir Bónus, þakka bleika svíninu fyrir lága verðið: “Bónus er verslun almúgans”, já, þeir eru svo alþýðlegir bónusfeðgarnir svona á einkaþotunum sínum og snekkjum. Sumar vörur eru svo ódýrar í Bónus, þær eru hreinlega alltaf á tilboði…..

Ríkisstjórnin er ódýrt svín og kapítalisminn verður grillaður og étinn með grænum baunum og brúnum kartöflum á jólunum.