Borgaryfirvöld hafa gefið frá sér yfirlýsingu þess efnis að fasískri stefnu Jakobs Frímans gagnvart veggjakroti sé nú aflétt. Fyrstu merki þess er myndin hér að ofan.
Því nýja “ófasíska” stefnan felur ekki í sér algjört frelsi fólksins til að tjá sig á veggi borgarinnar, heldur er nú hin græna herþjónusta borgarinnar í óða önn að mála steingrátt yfir allt veggjakrot sem ekki hefur fengið leyfi hjá borgaryfirvöldum. Að eigin sögn eru þau að hressa upp á borgina. Svo geta veggjakrotarar borgarinnar sent inn tillögur að kroti til borgarinnar, það fer í gegnum nefnd sem samþykkir eða samþykkir ekki krotið, allt eftir smekk og innihaldi verksins. Þar á eftir geta krotararnir sótt um styrki til gerð verksins.
Hið nýfundna frelsi felst í skrifræðisbákni og smekksfasisma borgaryfirvalda. Nei, engin frjáls tjáning, ekkert sjálfsprottið, ekkert ögrandi, ekkert ógnandi, bara krúttlegt, sætt, töff og gerilsneytt pólitík og dónaskap.
En vitið þið hvað: VIÐ RÚSTUM YKKAR GRÁU VERÖLD, SKÍTAPAKK!
-
Þorkólfur segir, þann
:
Súrrealistarnir bentu á að versti óvinur sköpunar er góður smekkur (smáborgaranna). Upp með brúsana, gegn grámyglu smáborgarinnar.
-
Bruce Mau segir, þann
:
“Forget about good. Good is a known quantity. Good is what we all agree on. Growth is not necessarily good. Growth is an exploration of unlit recesses that may or may not yield to our research. As long as you stick to good you’ll never have real growth.”
-
ónafngreindur segir, þann
:
hvað segiði þá um að fara gera eitthvað í málunum?
eins sem ég sé er að þið sitjið heima hjá ykkur, rífandi kjaft á aftöku.
út á göturnar, aðgerðir !! gera eitthvað almennilegt ekki bara stija heima og rífann. GERA EITTHVAÐ..
-
Snæbjörn segir, þann
:
Tek undir Þorkólfi. Enginn smekkur er verri en góður smekkur.
Ég hvet fólk til að spreyja þarna aftur. Þó ég muni ekki gera það sjálfur.
-
Pétur K segir, þann
:
Ég þoli ekki krot og krass en þetta International Mother Fuckers var bara flott og hefði vel mátt vera þarna.
-
Skúli segir, þann
:
Aðeins nokkrum dögum eftir að þetta var málað grátt tóku ákveðnir aðilar sig til og tóku fyrsta skrefið í eyðileggingu þessarar grámyglu og er nú allur veggurinn þakinn slettum hátt sem lágt.
Verst að hér sé ekki mynd af því.
Fleiri skulu endilega fylgja að fordæminu.Kveðja
Hæst virtur götulistamaður -
Siggi segir, þann
:
Vil benda á þessa frétt, kemur þessu málefni reyndar ekkert við: http://mbl.is/mm/frettir/erlent/2009/06/30/skip_a_leid_til_gaza_stodvad/
-
melrakki segir, þann
:
til ónafngreinds; þetta er fáránlegt komment, gerð ÞÚ eitthvað almennilegt! Það er aumingjaskapur og skýr birtingarmynd hræðslu og dugleysis launaþræls kapítalismans við að gera “eitthvað”, að ætlast til þess að aðrir geri það fyrir þig!
-
Svartliði segir, þann
:
Þeir tóku fallegan vegg og breyttu honum í ógeðslega grámyglu.
-
Þorkólfur segir, þann
:
Grámygla hversdagsins er það sem þeir boða. Grátt ríkjandi tilbreytingaleysið skal á alla troða. Þá er að breyta því.
-
Árni segir, þann
:
Eitt af frægustu gröffurum heims hafa málað á þennan vegg. Langt síðan reyndar.. þannig manni var sama þótt IMF var málað yfir vegna góðra málefna…. svo er málað grátt yfir það… ömurlegt..
-
aftaka segir, þann
:
Örlög þessa graffítis: International Mother Fuckers, er svo gott dæmi fyrir skoðanakúgunina og ritskoðunina sem stjórnvöld stunda. Engin hallmæli verða liðin gegn þeirra stefnu.
Á sama tíma og okkur er steypt í stórfeldar skuldir þá er borgin máluð grá undir því flaggi að nú eigi að aflétta fasismanum sem var í stefnu borgarinnar gagnvart veggjakroti. En raunverulegu skilaboðin eru: HALDIÐI KJAFTI! YKKAR SKOÐUN ER EKKI LEYFÐ HÉR!
Þeir sem ybba gogg verður refsað, því veggjakrotarar fá gífurlegar sektir ef þeir eru staðnir að verki í leyfisleysi, þeirri fasísku stefnu ætla borgaryfirvöld ekki að aflétta.
Niður með fokking fasismann!
Látum málingu og spray flæða frjálst um veggi borgarinnar! -
Eva segir, þann
:
Skrýtið að skuli ekki líka þurfa að sækja um leyfi eða setja fram tillögur að ósmekklegum áletrunum eins og t.d. McDonalds, Landsvirkjun eða Alcoa um alla borg. Mér finnst veggjakrot hreint ekki alltaf eiga rétt á sér. T.d. væri ég ósátt við að þurfa daglega að ganga fram hjá vegg með áletrun á borð við ‘tussa’ eða ‘nigga go home’. Flestir hafa skilning á því en fáir skilja að lógó ógeðsfyrirtækja fari jafn mikið í taugarnar á mér.
-
Anna S. segir, þann
:
Ég fatta hvað þú átt við. Munurinn er samt Eva að ef það stendur “tussa” eða annað slíkt á einhverjum vegg og þér mislíkar það þá er ekki mikið mál að breyta því og mála bara eitthvað annað yfir eða hliðiná. Hinsvegar ef þú sérð ósmekklega áletrun eins og mc Donalds, Landsvirkjun eða Alcoa sem eru fyrirtæki sem standa fyrir alveg viðbjóðlega hugmyndafræði þá er þér ekki beint heimilt að eiga við það, vegna þess að tjáningarfrelsið er ekki í alvörunni frelsi til að tjá sig, heldur yfirsláttur fyrir auðvaldið.
-
Vífill segir, þann
:
Að sækja um leyfi fyrir veggjakroti? Eins og að sækja um leyfi fyrir uppreisn?
-
Brynjar segir, þann
:
“látum málningu og spray flæða frjálst um veggi borgarinnar”
Ég átti heima á skólavörðustíg í átta ár og ég get ekki talið skiptinn sem ég þurfti að mála yfir veggjakrot af húsinu mínu.
Ég er ekki auðvaldið, ég er ekki fasisti, ég er eingöngu fórnarlamb
spennufíkla sem þykjast vera að heyja eitthvað stríð gegn yfirvaldinu með því að spreyja á húsið mitt.
Alcoa eða Mcdonalds smelltu aldrei merkingum á húsið mitt.
Þið eruð svo mikil elíta að þið þykist hafa rétt til að lítilsvirða eigur annara..Ef að þetta snýst allt um boðskapinn og krotið boðar frelsi undan
ánauð fasismans afhverju spreyið þið ekki bara á opinberar byggingar? Afhverju spreyjið þið á hús venjulegs fólks og
sendibíla osfrv?Það er að því að þetta snýst ekki rassgat um neinn boðskap
þetta er spennufíkn og eigingirni í hæsta flokki, ykkur finnst svo
gaman að þessu að ekkert annað skiptir máli.
Og áður en þið farið að drulla yfir þessa skoðun mína sem ykkur
er frjálst að gera þá vil ég taka það fram að ég er að vinna á
meðferðaheimili með mikið af ungum strákum sem að eru að
standa í þessu kroti. Fyrir þeim snýst þetta eingöngu um að þeirra
hönnun á graffi eða taggi sjáist á sem flestum stöðum.
Ekkert annað. -
Heiða segir, þann
:
Brynjar; ég fatta alveg hvað þú átt við. Sjálf hef ég búið á mörgum stöðum í miðbænum og margsinnis hefur verið krotað á veggi sem tilheyra húsinu sem ég bý í. Oftast er þetta hundljótt krot sem virtist vera pissukeppnir smástráka að drepast úr testesteróni og minnimáttarkennd. Fyrst fór þetta krot í taugarnar á mér, en smátt og smátt áttaði ég mig á að krotið er afleiðing þeirrar menningar sem við hrærumst í (menningu sem fer reYndar hrykalega í taugarnar á mér). Á meðan t.d. menntakerfið er svona niðurdrepandi og einhæft þá höfum við alltaf fólk sem getur ekki blómstrað. Oftast kemur sú bæling út í sterílum og óspennandi karakterum sem fylgja meginstraumnum. Stundum kemur óhamingjan út sem óhófleg neysla á vímugjöfum og stundum fyllast manneskjurnar andófi sem þær vita ekki endilega hvernig eða hvert þær eiga að beina. Oftast ef þetta eru ungir krakkar, þá eru þetta svona krot og pissukeppnir uppfullar af eyðileggingarþörf og skemmdarfýsn en sum þeirra finna andófi sínu farveg með tímanum (eins og aftöku-fólkið hefur greinilega gert og anarkistarnir sem voru áberandi t.d. við mótmælin í vetur), það er þá sem þau fara að hugsa árásir sínar á kerfið út frá stragegíum. Þá hætta þau að krota svo mikið á hús fólks (nema þau líti á eiganda þess sem part af vandamálinu eða ef þau líta á vegginn sem part af sameiginlegu rými sem allir eiga að geta tekið þátt í að móta) og fara að ráðast á stofnanir og fyrirtæki. Það er þegar þau sjálf hafa fattað mátt þessa andófs sem býr innra með þeim og verður ekki læknaður eins og eitthvert krabbamein.
Þetta krot ungra krakka verður því ekkert dílað við bara með því að mála yfir það eða pirrast yfir því. Þetta er samfélagslegt ástand sem þarf að skoða í samhengi við umhverfið sem þau alast upp í.
Mér finnst að fólk eigi að bera virðingu fyrir því að ég vilji hafa húsið mitt rautt á litinn en þar sem einn veggurinn snýr að fjölfarinni götu þá finnst mér ég ekki eiga útvegginn eins og hann leggur sig, fólk verður að geta fengið að tjá sig á nánasta yfirborð samfélagsins og mikið finnst mér það líka skárra þannig en þegar allt er slétt og fínt á yfirborðinu en bælingin kraumar í holræsum borganna.
Ég sé ekki að krotið eyðileggi húsið heldur markerar það húsið frekar okkar tíma; borgarmenningarinnar og ungviðisins innan hennar, sem er að brjótast um í þeim pytti sem það er að vera til í allri þeirri kúgun og óréttlæti sem því fylgir.Fögnum frelsisþránni, hún býr til sterkara og heilbrigðara fólk og á því er svo sannarlega þörf í þessari litlausu borg neysluskrímsla og glerhýsa.
aftaka[at]riseup.net.