Við höfnum hugmyndinni um hlutleysi! Það er ekki okkar að verja eða standa vörð um skoðanir annarra. Við segjum það sem við viljum, tillitslaust og án umburðarlyndis. Við látum ekkert í friði því það ríkir enginn friður. Við höfnum og stígum á öll grunngildi sem ættleidd eru úr dönsku þingræði, amerískri frjálshyggju og tvöþúsund ára krossfestingu. Við skrifum og sköpum eftir eigin gildum, reglum, siðferði og samvisku. Við afhjúpum samfélagið og bendum á að það er ekki klætt í keisarans föt heldur stendur blygðunarlaust á tittlingi lyga og óréttlætis.