Anarchist News / Green Anarchy / After the Greek Riots / Occupied London / Submedia.tv / This Is Our Job / Last Hours / SchNews / Infoshop.org / Guerilla News / Rap News / Modesto Anarcho / Modkraft / Yo Mango / Ecotopia / CrimethInc. / Amor y Resistencia / Bréves du Désordre / Informa-Azione / Anarcha / 325 / Angry News From Around the World / Make Total Destroy / Bash Back! / No Border / Climate No Borders / Primitivism / Takku / Earth First! / Earth First! Action Reports / Animal Liberation Front / Earth Liberation Front Prisoner Support / North American Earth Liberation Front Press Office / Bite Back / Anarchist Black Cross / Food Not Bombs / Indymedia / A-Infos / Turbulence / Anarchist Yellow Pages / Survival International / The Anarchist Library / Róstur / Svartsokka / Andspyrna / Saving Iceland / Hústaka / Hugsandi / Öskra! / Svartur Svanur / Eggin

Og við munum áfram skoða netfangið okkar: aftaka(at)riseup(puntkur)net

Gefum okkur að valið standi á milli tveggja mismunandi heima. Annars vegar heims þar sem fólk býr, gengur um götur, á í samskiptum og átökum, heims þar sem stundum skín sól, stundum rignir og stundum hvín vindur; og hins vegar heims þar sem flýtur á bylgjum, byggir á örflögum og víraleiðslum, þar sem fólk er prófæll, snertist ekki, hvorki af ást né andúð, heldur drepur tímann við að uppfæra statusinn, gefa skyndiuppfærslur af því litla sem eftir er af raunverulegi lífi.

Við myndum öll velja fyrri kostinn, er það ekki?

Þegar iðnbyltingin steig sín fyrstu skref spratt upp í Englandi herská andspyrnuhreyfing vefnaðarhandverksmanna sem undir nafni hins dularfulla King Ludd, börðust gegn því að iðnbyltingin fengi að ganga í gegn. Ólíkt andstæðingum iðnaðarframfara dagsins í dag voru áhyggjur þeirra ekki af áhrifum hennar á náttúrulega umhverfið heldur fyrst og fremst félagslegt umhverfi mannsins.

Í dag, tvöhundruð árum seinna, kristallast áhyggjur hermanna King Ludd í einu orði; orði sem umlykur allt mannfélagið og hefur verið skipt út fyrir samskipti: Facebook. Raunveruleikinn rúmast nú í nokkra kílóa ál- eða plastboxi sem fingurnir fróa og augun stara á tímunum saman. Tilfinningar eru á tölvutæku formi og sambönd okkar stafræn. Bráðum getum við hætt að borða, skráð okkur í Facebook hópinn Matur, tengt USB-snúru í rassgatið og nærst við skjáinn.

Á Facebook geta allir verið vinir en þau fáu sem vita ennþá að vinátta er líka líkamleg og getur, ef hún staðnar ekki eins og klístrað lyklaborð, dýpkað og orðið þess virði að lifa lífinu í þessum annars óspennandi og firrta heimi… þau fá ekki að vera með. Allt er opið en lokað á sama tíma. Þú færð að vera með í leiknum, færð að vita allt og ekkert um alla og enga, ef þú bara fylgir settum reglum. Gefðu upp nafn þitt, sýndu af þér myndir, skrásettu „líf“ þitt – og viti menn: Sesam opnast!

Þegar Sesam opnast, opnast þú og hafir þú ekkert að fela er ekkert við þetta að athuga. Áfram gakk! Eignastu vini: löggur, skæruliða og allt þar á milli. Skráðu þig í hópinn: það er auðvellt, eins og að láta heimabankann um að millifæra mánaðarlega andvirði sígarettupakka til Unicef – og þú ert stikkfrí. Mættu á atburði: þú þarft ekki einu sinni að fara út úr húsi, sparar tíma og getur verið á mörgum stöðum í einu. Hentu frá þér brauðmola á mínútu frest til að slóð þín sé örugglega sýnileg.

Heimurinn gránar, fjölbreytni hverfur og minningin um tilveru þornar upp. Á sama tíma og stríðið gegn lífi heldur hindranalaust áfram er efnt til fjöldavanlíðan í kvikmyndahúsunum. Tárin leka niður undir þrívíddargleraugun en þau sem gráta vita ekki að hinu megin við glerið er heimur sem hægt er að snerta. Alls staðar er tilvera í tilvistarkreppu en þú tekur upp tölvuna og uppfærir statusinn.

Göturnar eru tómar – það eru allir á Facebook!

Góðar stundir!

Það er orðið alltof langt síðan þjóðernisrómantík átti sér stolta, opinskáa málssvara hér á Íslandi.

Af hverju heldur Aftaka fram slíkri fullyrðingu? Jú, það er vegna þess að fasisti í fasistabúningi er að því leyti skárri en fasisti í jakkafötum að það má fyrr þekkja hann úr mannþrönginni, þrengja að honum og grýta hann. Þó búningurinn sé kannski ekki alveg kominn á hreint þá er að minnsta kosti áhugavert að fylgjast með þróuninni í netheimum. Hér að neðan birtist innblásið þjóðernissinnaljóð, glóðvolgt af Moggablogginu.

Fyrir Íslenskir konu!

Þeir sem berjast ekki

fyrir Íslenskir konu mæðrum og börnum

og er sama þegar mannréttundum er brotin á íslenskum þegnum

en mótmæli fyrir útlendingu

eru ekki sannir Íslendinga

það er pakk.

- Rauða Ljónið, 15.10.2009 kl. 03:25

Stórslysið er raunverulegt fyrir augum okkar og loftslagsbreytingar eru eitt af mörgum einkennum þess. Óumflýjanlegt tal þeirra sem koma að COP15 um að ,,bjarga plánetunni frá loftslagshörmungunum“ er fyrst og fremst margbrotin blekking, gerð til þess að dulbúa raunverulegan tilgang COP15 fundarins: Að endurreisa réttlætingu hnattræns kapítalisma með því að setja af stað nýtt tímabil hins ,,græna“ kapítalisma. Ný orðræða þess að ,,bjarga loftslaginu“ var sett af stað til að réttlæta kúgun valdsins, víggirt landamærin og nýlendustríðin um auðlindir. Til að klæða keisarann í ný föt. Viðbrögð okkar við þessum skítugu lygum er án málamiðlanna – algjört NEI! við kerfinu.

Það þarf að hrista upp í fleiru en sumarfríshefðum okkar til að plánetan sem við lifum á verði lifanleg í framtíðinni. Það væri heimskulegt að binda vonir okkar við sama fólkið og heldur áfram að drepa jörðina fyrir peninga. Í Kaupmannahöfn mun það rökræða um hvernig hægt sé að skapa markað til að gera andrúmsloftið að söluvöru og menga það svo, neyða milljónir manna til að yfirgefa heimili sín, svo hægt sé að græða á því að eyðileggja það sem eftir er af jörðinni. Ríkisstjórnir og stórfyrirtæki munu ekki fórna eigin gróða fyrir minnkun kolefnislosunar, nema í mesta lagi til að geta skapað nýtt stigveldis-stjórnfyrirkomulag fyrir sig sjálf.

Öll orðræðan um ,,loftslagshörmungarnar“ og ,,efnahagskreppuna“ er tortryggilegur vettvangur, skapaður af spunameisturum ríkisins, til þess gerður að afneita hörmungunum sem hin sjálfskilgreinda siðmenning umvefur allt og alla. COP15 fundurinn mun einungis reyna að fela stríðið sem kapítalisminn heyjir gegn öllu lífi á plánetunni; stríð sem breiðst hefur út um allan hnöttinn í það minnsta síðustu 500 árin; stríð sem umvefur meira að segja höfin og andrúmsloftið. Í miðju stríði talar maður ekki um stjórnun og ,,tæknilegar lausnir“. Þú berst ekki stríði með því að halda því fram að stríðið sé ekki til staðar, með því að neita að horfast í augu við kúgun og verða samsekur í því að samþykkja fölsk loforð um smáborgaralega friðsemd.

Í staðinn áttar maður sig á óvininum, velur sér stöðu og berst.

Aðeins með því að losa okkur við þau sem halda því fram að þau tali fyrir okkar hönd og með því að yfirstíga hugmyndafræðina um stanslausan fjárhagslegan gróða, iðnvædda framleiðslu og neyslu, getum við tekið stjórn á eigin lífi og plánetunni.

Það er kominn tími til að segja: Við munum vísvitandi ráðast gegn öllum þeim strúktúrum sem halda uppi COP15 fundinum. Við munum brjótast í gegnum lögreglulínurnar. Við munum neita að semja um nokkurn skapaðan hlut við stríðsæsingar-ríkisstjórnir og fjölmiðla. Við munum neita að standa með samtökum sem hafa selt sig og hugmyndaræði sína og einnig öllum þeim sem halda að þeir stjórni mótmælunum. Við neitum öllum ríkisstjórnum og allri stjórnun, og munum því ekki bara afbyggja réttlætingu þeirrar stjórnunar sem nú eru til staðar.

Það er kominn tími til að segja að við trúum því að uppreisnar sé þörf til að raunverulega hefja þær breytingar sem allir bíða í örvæntingu. Með því að berjast saman í algjörri andstöðu við þau sem hafa völdin, gætum við fengið nasasjón af þeirri auðlegð og öllum þeim möguleikum sem eru til staðar þegar fólk frá öllum heiminum deilir saman hugmyndum sínum og reynslu.

Áfram alþjóðlegar andófssveitir! Nú er það borgarastyrjöld en ekki loftslagsupplausn!

— — —-

Never trust a COP! er regnhlíf fyrir róttækar, and-kapítalískar aðgerðir gegn COP15: Loftlagsfundi Sameinuðu Þjóðanna sem fram fer í Kaupmannahöfn í Desember nk. Nánari upplýsingar um NTAC má finna hér og frekari upplýsingar um alþjóðlega andspyrnu gegn fundinum má finna hér.

Hér er önnur tilraun til að sýna myndbandið sem fjarlægt var af YouTube: Kúkað á kerfið! – og í þetta skiptið verður það ekki fjarlægt. Við látum ekki skoðanakúgun og ritskoðun stöðva okkur.

Smellið hér til að sjá myndbandið.