Vert er að vekja athygli á Bókasafni Andspyrnu, íslensku bókasafni anarkista.

Anarkismi og allar þær hugmyndir og stefnur sem undir hann flokkast, eru líklega þær hugmyndir sem verða fyrir hvað mestu aðkasti þeirra sem ekkert vita um þær. Ófáa sleggjudóma hafa anarkistar fengið í gegnum tíðina, þeir sakaðir um að boða einungis ringulreið og stórnleysi þegar hið raunverulega markmið anarkista er stjórnvaldsleysi eins og þeir vita sem kynnt hafa sér málið. Flestir anarkistar kannast við að hafa lent í árásum (yfirleitt ekki líkamlegum, en þó einstaka sinnum) vegna skoðanna sinna, yfirleitt af einstaklingum sem bókstaflega hafa enga hugmynd um hvað anarkismi raunverulega er.

Út er komin bókin Beinar Aðgerðir og Borgaraleg Óhlýðni á vegum Andspyrnu útgáfu.

—

Andspyrna við valdbeitingu og óréttlæti er náttúrulegt og eðlilegt ferli í samfélögum manna. Því erum við ekki að berjast fyrir náttúruna þegar við myndum andspyrnuhópa, heldur erum við náttúran að svara fyrir sig. Við erum heldur ekki beint að berjast fyrir betra samfélagi þegar við myndum hópa sem verja mannréttindi, heldur erum við samfélag að verja sig.