Við sjáum okkur til þess knúin að birta hér á Aftöku þessi tvö myndbönd um Glitni. Það er óþarfi að hafa mikið fleiri orð um málið, horfið á myndböndin… og jú eitt orð í viðbót: SKÍTAPAKK!

Til allra læmingja landsins:

Hlaupum öll saman,

stéttháir sem stéttlágir,

svitnum saman fyrir bankann okkar,

hann geymir vaxtavextina okkar og lánin þín!

Fari hann á hausinn eigum við engar skuldir lengur,

mínus minna en neitt til að þræla fyrir!!!

Svo hlaupum læmingjar, hlaupum,

hlaupum fyrir björg fyrir bankana!

Aftaka óskar öllum góðum byltingarmönnum gleðilegan ágúst og hvetjum þá hina sömu til að fjölga í okkar röðum með öllum tiltækum ráðum MÚHAHAHA!

Ætlið þið að vera memm í dag; syngja maí-stjörnuna með vörubílstjórunum og hlusta á Ögmund á góðu verði niðrá Íngólfstorgi?

Ögmundur verður kanski bara seldur hæstbjóðanda, IKEA dreifir mótmælaspjöldum og hjúkkurnar syngja nallan, allir með kreppu í hjarta og bílflautur í eyrunum. Í fyrsta, öðru, þriðja, og Ögmundurinn er þinn.

Þegar ég kom hjólandi í átt að Háskólabíói í morgun var varla þverfótað fyrir glænýjum glansandi glæsijeppum, sportbílum og eigendum þeirra sem reyndu í örvæntingu sinni að finna stæði nógu nálægt bíóinu. Við bíóið var ótrúlegur fjöldi fólks sem flest virtist vera á hraðferð, of seint á viðskiptafund, fjárstýringu eða hvað annað sem peningakallar og -kellingar gera. Hver einasti maður var í jakkafötum; auðvitað ráðherrar, þingmenn, viðskiptafólk, einn núverandi og tveir fyrrverandi borgarstjórar. En líka hinir almennu valdlausu þrælar, nemendur og meira að segja íþróttaálfurinn var mættur - í jakkafötum.