Áhafnir bíða eftir niðurstöðum úr skimun

Áhafnir kolmunnaskipanna bíða eftir niðurstöðunum úr skimuninni.
Áhafnir kolmunnaskipanna bíða eftir niðurstöðunum úr skimuninni. Ljósmynd/Smári Geirsson

Kolmunnaskip Síldarvinnslunnar í Neskaupstað liggja í Norðfjarðarhöfn og bíða áhafnir þeirra eftir niðurstöðu skimunar fyrir kórónuveirusjúkdómnum Covid-19. Ráðgert er að halda til veiða á gráa svæðinu suður af Færeyjum strax og niðurstaða liggur fyrir síðar í kvöld eða á morgun.

Á vef fyrirtækisins kemur fram að áhafnir Barkar NK og Beitis NK fóru í skimun eystra á laugardag og áhöfn Bjarna Ólafssonar AK fór einnig í skimun. Hjörvar Hjálmarsson, skipstjóri á Berki, segist vonast eftir að enginn sé sýktur og þá sé ekkert því til fyrirstöðu að leysa landfestar.

„Þetta hafa menn aldrei upplifað áður, en það er gríðarlega mikilvægt að haldið sé til veiða á fjarlæg mið á sóttfríu skipi. Í fyrra hófum við veiðar á gráa svæðinu 6. apríl og á undanförnum árum hefur veiði hafist þarna á bilinu 5.-12. apríl. Við höfum að vísu ekki fengið neinar fréttir af veiði þarna núna. Það er ekki óalgengt að á þessu svæði hafi verið byrjað að veiða geldfisk sem heldur sig þarna en síðan hefur göngufiskurinn komið inn á svæðið og veiði oft verið góð,“ segir Hjörvar. 

Brugðist skjótt við

Gunnþór Ingvason, framkvæmdastjóri Síldarvinnslunnar, segir að Íslensk erfðagreining og Heilbrigðisstofnun Austurlands eigi heiður skilið fyrir hvernig þau brugðust við bón fyrirtækisins um skimun áhafnanna. 

„Það voru 20 sjómenn af uppsjávarskipum frá okkur sem fóru í skimun á laugardaginn hjá þeim. Brugðist var mjög skjótt við beiðni okkar og var skimuninni komið við með skömmum fyrirvara. Við viljum senda Íslenskri erfðagreiningu og HSA okkar bestu þakkir fyrir. En þrátt fyrir skimunina er mikilvægt að sjómennirnir virði umgengnisreglur um borð í skipunum, haldi fjarlægð á milli sín, vandi sig við handþvott og sótthreinsun og svo framvegis. 

Þótt skimun leiði í ljós að menn séu ekki sýktir geta þeir samt borið veiruna þannig að öllum reglum verður að fylgja í hvívetna. Það er reyndar ánægjulegt að finna hvað starfsmenn fyrirtækisins eru tilbúnir að laga sig að þeim reglum sem settar hafa verið vegna Covid-19.  Þessu fylgja áskoranir, ýmsar skerðingar og breytingar. Ég er afar þakklátur þeim samtakamætti sem starfsmenn sýna nú á þessum erfiðu tímum þar sem við erum öll staðráðin í að gera það sem við getum til að forðast veiruna,“ segir Gunnþór.

mbl.is
Afurð Dags. Meðalverð
Þorskur, óslægður 29.5.20 218,23 kr/kg
Þorskur, slægður 29.5.20 290,08 kr/kg
Ýsa, óslægð 29.5.20 356,38 kr/kg
Ýsa, slægð 29.5.20 267,76 kr/kg
Ufsi, óslægður 29.5.20 69,97 kr/kg
Ufsi, slægður 29.5.20 82,94 kr/kg
Djúpkarfi 18.5.20 105,23 kr/kg
Gullkarfi 29.5.20 153,03 kr/kg
Litli karfi 18.5.20 0,00 kr/kg
Blálanga, óslægð 27.5.20 206,00 kr/kg

Fleiri tegundir »

31.5.20 Jón Ásbjörnsson RE-777 Lína
Hlýri 63 kg
Karfi / Gullkarfi 45 kg
Samtals 108 kg
31.5.20 Djúpey BA-151 Grásleppunet
Grásleppa 3.133 kg
Samtals 3.133 kg
31.5.20 Sandfell SU-075 Lína
Þorskur 11.393 kg
Grálúða / Svarta spraka 5.772 kg
Keila 152 kg
Hlýri 114 kg
Karfi / Gullkarfi 37 kg
Samtals 17.468 kg
31.5.20 Víxill Ii SH-158 Grásleppunet
Grásleppa 1.482 kg
Samtals 1.482 kg

Skoða allar landanir »

Afurð Dags. Meðalverð
Þorskur, óslægður 29.5.20 218,23 kr/kg
Þorskur, slægður 29.5.20 290,08 kr/kg
Ýsa, óslægð 29.5.20 356,38 kr/kg
Ýsa, slægð 29.5.20 267,76 kr/kg
Ufsi, óslægður 29.5.20 69,97 kr/kg
Ufsi, slægður 29.5.20 82,94 kr/kg
Djúpkarfi 18.5.20 105,23 kr/kg
Gullkarfi 29.5.20 153,03 kr/kg
Litli karfi 18.5.20 0,00 kr/kg
Blálanga, óslægð 27.5.20 206,00 kr/kg

Fleiri tegundir »

31.5.20 Jón Ásbjörnsson RE-777 Lína
Hlýri 63 kg
Karfi / Gullkarfi 45 kg
Samtals 108 kg
31.5.20 Djúpey BA-151 Grásleppunet
Grásleppa 3.133 kg
Samtals 3.133 kg
31.5.20 Sandfell SU-075 Lína
Þorskur 11.393 kg
Grálúða / Svarta spraka 5.772 kg
Keila 152 kg
Hlýri 114 kg
Karfi / Gullkarfi 37 kg
Samtals 17.468 kg
31.5.20 Víxill Ii SH-158 Grásleppunet
Grásleppa 1.482 kg
Samtals 1.482 kg

Skoða allar landanir »