Taka að sér dýr í sóttkví

Margir góðir hvuttar hafa fengið nýtt heimili á síðustu vikum.
Margir góðir hvuttar hafa fengið nýtt heimili á síðustu vikum. Ljósmynd/Unsplash

Útbreiðsla kórónuveirunnar hefur ekki bara haft neikvæð áhrif. Í Bandaríkjunum hafa ættleiðingar dýra frá dýraathvörfum aukist allt að 20%. Aukinn fjöldi Bandaríkjamanna situr nú heima í sóttkví og hefur brugðið á það ráð að fá sér hund eða kött til að létta andann á heimilinu. 

Nikole Bresciani, framkvæmdarstjóri Indland Valley Humane Society í Pomona í Kaliforínuríki, segir í viðtali við TMZ að fjöldi fólks hafi leitað til samtakanna síðastliðna viku og óskað eftir að ættleiða dýr. Bóka þarf tíma á netinu eða í gegnum síma til að fá að koma í heimsókn í dýraathvarfið til að forðast of mikinn fjölda gesta. 

Bresciani segir að þau hafi tekið eftir auknum fjölda barnafjölskyldna sem vilji bæta við sig ketti eða hundi. 

Eldri borgarar í Flórídaríki hafa einnig brugðið á sama ráð. Randa Richter hjá SPCA í Flórída segir að þau hafi séð að minnsta kosti 20% aukningu á síðustu vikum. Fjölda viðburða fyrir eldri borgara hefur verið aflýst vegna útbreiðslu veirunnar og leitar fólkið í að finna sér eitthvað að gera, eins og til dæmis að fara út að ganga með hundinn. 

Richter segir einnig að þau hafi fengið til sín fleiri sjálfboðaliða. Sjálfboðaliðarnir eru framhaldsskólakrakkar sem hafa meiri tíma til að sinna samfélagslegum verkefnum nú þegar kennsla hefur verið færð yfir á netið. 

mbl.is

Stöndum saman

Við hjá Árvakri viljum vekja athygli á því sem vel er gert á þessum erfiðu tímum. Ef þú ert með góða sögu af fyrirtækjum og einstaklingum sem eru að gera gott, sendu okkur ábendingu á netfangið [email protected].

Stöndum saman

Stjörnuspá »

Hrútur

Sign icon Aðstæður þeirra sem ekki eru jafn lánsamir og þú koma við þig. Getur þú gert eitthvað til að hjálpa til? Þín verður freistað með góðu tilboði.

Stjörnuspá »

Hrútur

Sign icon Aðstæður þeirra sem ekki eru jafn lánsamir og þú koma við þig. Getur þú gert eitthvað til að hjálpa til? Þín verður freistað með góðu tilboði.