Verðmætum verkfærum stolið

Tilkynningar um þrjú þjófnaðarmál bárust lögreglunni á Suðurnesjum í vikunni.
Tilkynningar um þrjú þjófnaðarmál bárust lögreglunni á Suðurnesjum í vikunni. mbl.is/Eggert Jóhannesson

Tilkynningar um þrjú þjófnaðarmál bárust lögreglunni á Suðurnesjum í fyrradag. Farið var inn í tvo bílskúra og úr báðum stolið verðmætum verkfærum. Lögreglan rannsakar málin. Einnig var tilkynnt um þjófnað úr verslun í umdæminu. Þar var karlmaður staðinn að því að stela matvælum og fleiru. Starfsmenn verslunarinnar fylgdu honum eftir út úr búðinni og gátu talið hann á að koma til baka, þar sem lögregla beið hans. Þetta kemur fram í tilkynningu frá lögreglunni.

Í vikunni varð einnig bílvelta. Ökumaður sem ók bifreið sinni eftir Garðvegi missti stjórn á henni með þeim afleiðingum að hún valt. Ökumaðurinn fann til eymsla eftir óhappið og var fluttur á Heilbrigðisstofnun Suðurnesja.

Fleiri umferðaróhöpp hafa orðið í umdæminu á undanförnum dögum en þau hafa öll verið minni háttar.

mbl.is