41 smit staðfest í Vestmannaeyjum

41 tilfelli kórónuveirunnar hefur greinst í Vestmannaeyjum.
41 tilfelli kórónuveirunnar hefur greinst í Vestmannaeyjum. mbl.is/Eggert Jóhannesson

Rannsóknir á sýnum vegna kórónuveirunnar sem lokið var í kvöld hafa leitt í ljós að 11 til viðbótar eru með staðfest smit í Vestmannaeyjum. Alls hefur því 41 tilfelli verið staðfest í bænum. 

Af þeim 11 sem eru nýgreindir voru sex þegar í sóttkví, að því er segir í færslu á Facebook-síðu lögreglunnar í Vestmannaeyjum. Smitrakningum er þó ekki lokið vegna þessara aðila. 

Við fjölda einstaklinga í sóttkví bætast þeir sem greindust í gærkvöldi þar sem smitrakningu er lokið vegna þeirra. Fjöldi þeirra sem eru í sóttkví er samtals 487 talsins.

Lögreglan segir mikilvægt að fólk gæti að eigin sóttvörnum og fari að leiðbeiningum um sóttkví og einangrun. „Reynum öll að haga okkur í samræmi við samkomubann og gæta að fjarlægðarmörkum,“ segir í færslunni. 


mbl.is

Kórónuveiran

28. mars 2020 kl. 15:19
963
hafa
smitast
97
hafa
náð sér
19
liggja á
spítala
2
eru
látnir