Þakkaði guði að vera með drónann

INNLENT  | 12. maí | 15:17 
Golli, eða Kjartan Þorbjörnsson, var um helgina verðlaunaður fyrir að eiga mynd ársins á sýningu Blaðaljósmyndarafélags Íslands. Myndina tók hann við Grímsvötn á Vatnajökli með dróna sem hann sá ekki eftir að hafa haft með sér þegar hann sá hvernig náttúruöflin stilltu sér upp fyrir hann.

Golli, eða Kjartan Þorbjörnsson, var um helgina verðlaunaður fyrir að eiga mynd ársins á sýningu Blaðaljósmyndarafélags Íslands. Myndina tók hann við Grímsvötn á Vatnajökli með dróna sem hann sá ekki eftir að hafa haft með sér þegar hann sá hvernig náttúruöflin stilltu sér upp fyrir hann.

Í myndskeiðinu segir Golli söguna af myndinni, sem er hluti af sex mynda seríu sem einnig hlaut verðlaun á sýningunni sem er opin í Ljósmyndasafni Reykjavíkur í Grófarhúsinu.

Frétt af mbl.is

Golli fékk að slást í för með Jöklarannsóknarfélagi Íslands síðastliðið vor þar sem hann myndaði hópinn að störfum við mælingar á jöklinum. Að eigin sögn var hann þó enginn farþegi í hópnum, þar sem plássið í skálanum er takmarkað. Allir þurfa að vinna, líka ljósmyndarinn, sem segist hafa verið með skóflu í annarri hendi og myndavélina í hinni alla ferðina. Lengi vel starfaði Golli hjá Morgunblaðinu og mbl.is en er nú hjá Iceland Review og í sumar verður blaðið gefið út á íslensku vegna stöðunnar í ferðageiranum. Í þeirri útgáfu verður að finna fleiri myndir og umfjöllun um ferðina með Jöklarannsóknarfélaginu.

Þættir