Trump tekur umdeilt malaríulyf

ERLENT  | 19. maí | 7:08 
Donald Trump Bandaríkjaforseti greindi frá því á blaðamannafundi í Hvíta húsinu í dag að hann tæki malaríu­lyfið hydroxychloroquine. Skiptar skoðanir eru á meðal læknismenntaðra hvort lyfið virki gegn kórónuveirunni.

Donald Trump Bandaríkjaforseti greindi frá því á blaðamannafundi í Hvíta húsinu í dag að hann tæki malaríu­lyfið hydroxychloroquine. Skiptar skoðanir eru á meðal læknismenntaðra um hvort lyfið virki gegn kórónuveirunni.

Dr. Ant­hony S. Fauci, einn helsti sér­fræðing­ur for­seta Banda­ríkj­anna varðandi far­sótt­ina, hefur beðið fólk um að fara var­lega í að nota lyf­ið þar sem ekki liggi fyr­ir nein staðfest­ing á að það virki á veiruna.

Trump benti á að hann hefði fengið neikvæða niðurstöðu úr veiruprófi og sýndi engin einkenni. Engu að síður hefði hann tekið malaríulyfið í um eina og hálfa viku.

„Ég tek töflu á hverjum degi,“ sagði Trump.

Aðspurður sagðist hann gera það vegna þess að það væri gott og hann hefði heyrt góðar sögur.

 

Þættir