Íbúðin gerði það að verkum að Áslaug er oftar á Íslandi

SMARTLAND  | 19. maí | 14:56 
Áslaug Magnúsdóttir, fjárfestir og frumkvöðull, býr í einstakri íbúð í 105 Reykjavík. Hún hefur verið búsett erlendis lengi en 2014 festi hún kaup á þessari íbúð. Aðalmarkmiðið með þessari íbúð var að geta verið meira á Íslandi. Móðir hennar fann þessa íbúð eftir töluverða leit og segir Áslaug að ferðunum til Íslands hafi fjölgað mikið eftir að hún festi kaup á íbúðinni enda sé hvergi betra að vera.

Áslaug Magnúsdóttir fjárfestir og frumkvöðull býr í einstakri íbúð í 105 Reykjavík. Hún hefur verið búsett erlendis lengi en 2014 festi hún kaup á þessari íbúð. Aðalmarkmiðið með þessari íbúð var að geta verið meira á Íslandi. Móðir hennar fann þessa íbúð eftir töluverða leit og segir Áslaug að ferðunum til Íslands hafi fjölgað mikið eftir að hún festi kaup á íbúðinni enda sé hvergi betra að vera. 

Íbúðin er á tveimur hæðum og eru fallegar svalir á efri hæðinni og þegar staðið er þar er horft niður í borðstofuna. Gólfin eru lökkuð hvít með þykkum hvítum gólflistum en súlurnar setja svip sinn á íbúðina og eru þær upprunalegar. 

Þegar Áslaug er ekki á Íslandi býr hún með kærasta sínum í Kaliforníu í Bandaríkjunum. Hún segir að þessi íbúð sé ekta hún og hennar stíll en heimilið í Bandaríkjunum sé öðruvísi því þar ráði kærasti hennar ríkjum, en hún flutti inn á hann þegar þau byrjuðu saman. 

Á dögunum kynnti Áslaug nýtt fatamerki sem heitir Katla. Það er sérstakt fyrir margar sakir því það er eingöngu selt á netinu og er línan sjálfbær. 

Þættir