Hvers vegna setjum við okkur markmið?

Ingvar Jónsson, markþjálfi og eigandi Profectus.
Ingvar Jónsson, markþjálfi og eigandi Profectus. Ásgeir Páll/K100

„Ég óska öllum til hamingju sem settu sér ekki markmið á nýju ári,“ sagði Ingvar Jónsson, markþjálfi hjá Profectus, í upphafi viðtals á K100 í upphafi ársins. Það kann að hljóma undarlega að heyra slíka kveðju frá manni sem hefur mörg undanfarin ár starfað við að hjálpa fólki að finna leiðir til að setja sér markmið með þeim hætti að markmiðasetningin takist. Hann segir að í mjög mörgum tilfellum sé fólk að refsa sjálfu sér með því að setja sér markmið því það í raun og veru viti ekki hvert það vill fara. „Ef villtur maður spyr þig til vegar, geturðu ekki gefið honum leiðarlýsingu nema vita hvert hann vill fara.“

Sjálfsþekking er lykillinn

Ingvar hvetur fólk til að skoða sjálft sig áður en markmiðin eru sett og kanna hvaða hvatir eru á bak við þau. „Langar þig í raun til að ná þessu tiltekna markmiði?“ Hann segir að sumir fari út í þá vegferð á nýju ári að ætla sér að ná árangri í einhverju vegna utanaðkomandi þrýstings, t.d. frá náunganum, og svo nefnir hann sársauka sem drifkraft. „Þegar við erum svo komin af stað og jafnvel farin að ná einhverjum árangri, fjarar oft undan þessum drifkrafti sem kom okkur af stað. Alvörumarkmið eru sett vegna þess að þetta er eitthvað sem þig langar virkilega til að uppskera. Sjálfsþekking er þess vegna grunnurinn að þessu öllu saman. Markmiðasetningin er síðasta skrefið, því að þegar þú þekkir sjálfa(n) þig og þínar langanir eykur það líkurnar á árangri.

Verðlaunaður fyrir störf sín

Í starfi sínu sem markþjálfi hefur Ingvar haldið fjölmörg námskeið, skrifað bækur og haldið erindi bæði hérlendis sem erlendis. Hann hefur nú verið valinn úr stórum hópi markþjálfa til að halda erindi á stærstu og viðamestu mannauðsráðstefnu í heimi. Ingvar tekur við verðlaununum sem einn af bestu markþjálfum í heimi, 101 að tölu.  Þrátt fyrir að vera auðmýktin uppmáluð kveðst Ingvar stoltur af því að fá þessa viðurkenningu og segist fullur tilhlökkunar að takast á við verkefnið.

Var lengi aðalsöngvari Papanna

 Þeir sem muna eftir hljómsveitinni „Papar“, þekkja Ingvar vel í sjón en hann hætti í hljómsveitinni fyrir margt löngu eftir að hafa verið aðalsöngvarinn í áraraðir, tók U-beygju, hóf háskólanám og sér ekki eftir því. Spurður um gamla tímann svarar Ingvar í gamansömum tón: „Ég þekki þennan mann sem þú ert að tala um, en mér skilst að hann hafi verið bæði leiðinlegur og hrokafullur.“

Hver ertu og hvað viltu?

Á næstu dögum kemur út bók eftir Ingvar sem ber nafnið „Hver ertu og hvað viltu?“ Höfundurinn segir að hér sé á ferðinni einstök bók sem hjálpar þér að finna hugrekki til að standa með sjálfri/um þér. Taktu stefnuna þangað sem þú vilt fara – hvað sem öðrum kann að finnast um það! Markmið lesendans ætti að vera að öðlast dýpri skilning á því hver hann er og hvaða orsakir liggja þar að baki. Síðasta bók Ingvars „Sigraðu sjálfan þig“, sem kom út árið 2018, fékk frábærar viðtökur og því eru vafalaust margir eftirvæntingarfullir að lesa meira frá Ingvari.

Sögusvið bókarinnar Hver ertu og hvað viltu?
Sögusvið bókarinnar Hver ertu og hvað viltu? Ingvar Jónsson

Viðtalið við Ingvar Jónsson markþjálfa má sjá og heyra hér að neðan.

mbl.is
Skólastjóri Hússtjórnarskólans varar við notkun mýkingarefnis í klósettkassann.
Síðdegisþátturinn

Margrét segir „nei“ við mýkingarefni í klósettið

Matarvefur mbl.is sagði frá nýjasta húsráðinu í gær; að setja mýkingarefni í klósettkassann til þess að fá góða lykt. Nánar

Brad Pitt og Shania Twain.
Fréttir

Shania Twain loksins hrifin af Brad Pitt?

Engu er líkara en að Brad Pitt hafi eytt árunum í að ganga í augun á Shania Twain. Nánar

Ísland vaknar

Rakaramenningin sækir í sig veðrið

Rakari telur þörf á að hefja virðingu rakarastofa til meiri virðingar. Það er munur á að vera hárgreiðslumeistari og rakarameistari. Nánar

Birgir Skúlason, eigandi Freedive, getur ansi lengi haldið sér í kafi.
Ísland vaknar

Fríköfun nýtur vinsælda

Fólk getur haldið niðri í sér andanum neðansjávar mínútum saman. Kristín Sif Björgvinsdótir, einn þáttastjórnenda Ísland vaknar á K100, fór á námskeið hjá Freedive og hefur náð að synda 50 metra undir yfirborði vatns án þess að koma upp til að anda. Nánar

Hljómsveitin Leisure og Auður.
Fréttir

Leisure ánægðir með Auði

Í síðustu viku var töluvert rætt um líkindi laganna On My Mind sem Leisure sendi frá sér í apríl í fyrra og Enginn eins og þú sem Auður gaf út í júní í fyrra. Nánar

Stúdentagarðar við Sæmundargötu í Reykjavík.
Síðdegisþátturinn

Húsnæði sem vinnur gegn einsemd ungs fólks

Andleg vanlíðan ungs fólks er orðin risavandamál en í lok árs 2018 sögust 32% háskólanema upplifia andlega vanlíðan í könnun sem gerð var um málið. Nánar

Jökull með gítarinn á Hawaii.
Síðdegisþátturinn

„Hef ekki kallað neitt heimili í mörg ár“

Gamla húsbandið á Hressó hefur aldeilis slegið í gegn en hljómsveitin Kaleo, með söngvarann Jökul Júlíusson í forsvari, hefur lagt heiminn að fótum sér undanfarin ár. Jökull var í skemmtilegu viðtali við þá Loga og Sigga í Síðdegisþættinum á K100 á föstudaginn. Nánar

Systurnar Júlía Sif og Helga María halda úti matarblogginu veganistur.is
Síðdegisþátturinn

Vegan-útgáfur af réttunum sem við elskum öll

Veganúar hefur verið haldinn hátíðlegur í janúar sl. ár þar sem kastljósinu er beint að vegan-mataræði og -lífsstíl. Sumir stíga sín fyrstu skref í þessum lífsstíl í þessum mánuði og vex það mörgum í augum að prófa vegan-mat því menn telja svo flókið að búa hann til. Nánar