Súkkulaðibomba með þristum

Ekta brownies með kakó og Þrista lakkríssúkkulaði - já takk!
Ekta brownies með kakó og Þrista lakkríssúkkulaði - já takk! mbl.is/Hildur Rut Ingimarsdóttir

Það er á þessum tímum sem við eigum að gera vel við okkur. Hér er súkkulaðibomba úr smiðju Hildar Rutar sem innihalda Þrista lakkríssúkkulaði – það þarf varla að segja meira.

Hildur tók þessar dásamlegu „chewy“ brownies með sér í matarboð þar sem þær slógu rækilega í gegn. En brúnkurnar eru fullkomnar með ís eða þeyttum rjóma.

Kakan sem sló í gegn

  • 200 g smjör
  • 5 dl sykur
  • 3 msk kakó frá Kötlu
  • 1 tsk. lyftiduft
  • 1 tsk. salt
  • 1 msk. vanilludropar frá Kötlu
  • 4 egg
  • 3,5 dl hveiti
  • 1 poki þristur

Aðferð:

  1. Bræðið smjörið á vægum hita og hrærið sykrinum saman við. Passið að láta ekki bullsjóða.
  2. Hellið smjörblöndunni í skál og hrærið kakói, lyftidufti, salti og vanilldropum saman við. Mér finnst gott að nota hrærivélina.
  3. Hærið eggjunum saman við og að lokum hellið hveitinu út í og blandið vel saman.
  4. Hellið í eldfast form með bökunarpappír. Ég notaði 28×28.
  5. Skerið þrista í bita og dreifið jafnt yfir kökuna.
  6. Bakið í um 30 mínútur við 180°C. Kakan á að vera frekar blaut í miðjunni eða „chewy“.

- - -

Fylgstu með Matarvefnum á Instagram og Facebook. Endalaus ævintýri, hugmyndir, skemmtilegir leikir og allt það heitasta heita...

Svo megið þið endilega tagga okkur á Instagram þegar þið eruð að elda eitthvað spennandi @matur.a.mbl

mbl.is/Hildur Rut Ingimarsdóttir
mbl.is