Erfitt að vera á ketó um þessar mundir

Jenna Jameson segir það vera erfitt að halda sig við …
Jenna Jameson segir það vera erfitt að halda sig við ketó-mataræðið á þessum skrítnu tímum. skjáskot/Instagram

Fyrirsætan Jenna Jameson segir að henni hafi gengið illa að halda sig við ketó mataræðið á meðan kórónuveiruheimsfaraldurinn geisar.

Jameson hefur náð gríðarlega góðum árangri með ketó mataræðinu síðustu árum og kalla sumir hana ketó-drottninguna. 

„Meira en tilbúin til að halda heilbrigða lífstílnum áfram. Þetta útgöngubann hefur haft skelfileg áhrif á ketó lífstílinn minn,“ skrifaði Jameson undir mynd af sjálfri sér á Instagram. Hún viðurkenndi fyrr í mánuðinum að einangrunin hafi ekki haft góð áhrif á hana en hún er í einangrum með fjölskyldunni sinni. 

Jameson byrjaði á ketómataræðinu árið 2018 eftir að dóttir hennar Batel Lu kom í heminn. Hún missti rúmlega 36 kíló í kjölfarið. Jameson hætti svo á mataræðinu um stutt skeið í lok síðasta árs og þyngdist um 9 kíló.

Hún segist þó aldrei gefast upp og hefur haldið áfram á mataræðinu á þessu ári og misst rúmlega sex kíló. Hormónar hafa verið að stríða henni en hún segist hafa byrjað aftur á blæðingum á þessu ári, þremur árum eftir barnsburð. 

„Ég er búin að missa 6 kíló en ég hef verið að þyngjast og léttast til skiptis. Ég held að hormónar séu að hafa mikil áhrif. Ég enn með barnið mitt á brjósti og byrjaði aftur á blæðingum eftir 3 ár. Þannig að mér líður vel og illa til skiptis, fæ hitaköst og langar í saltan mat,“ sagði Jameson í febrúar.

Jenna Jameson sést hér til vinstri áður en hún fór …
Jenna Jameson sést hér til vinstri áður en hún fór á ketómataræðið og til hægri er hún búin að vera á ketó í rúmt ár.
mbl.is