Endaðir þú eins og Guðrún Veiga 4. maí?

Guðrún Veiga hefur sankað ýmislegu að sér á meðan samkomubanninu …
Guðrún Veiga hefur sankað ýmislegu að sér á meðan samkomubanninu stóð. skjáskot/Instagram

Slakað var á samkomubanni á miðnætti og því margir snúnir aftur á vinnustaðinn sinn eftir margna vikna heimavinnu. Margir voru spenntir að drífa sig í klippingu, litun og í annarskonar snyrtimeðferðir. 

Nú þegar slakað hefur verið á samkomubanninu virðast margir hafa rankað við sér og áttað sig á því hvað þeir voru að gera á meðan banninu stóð. Margir hafa eflaust farið offorsi í netverslunum hverskyns og því margt dúkkað upp á heimilinu á síðustu vikum sem annars hefði ekki átt heima í netverslunarkörfunni. 

Samfélagsmiðlastjarnan Guðrún Veiga Guðmundsdóttir, betur þekkt sem Gveiga sýndi afrakstur samkomubannsins á Instagram í dag, þar sem má meðal annars finna krulluhettu, viskustykki, pottaleppa og ofnhanska í stíl, stand fyrir uppþvottalög og bursta og púða sem Gveiga segir að passi ekki neinstaðar á heimilið. 

Þar að auki pantaði hún snakk til Vestmannaeyja, þar sem hún býr nú, og greiddi 2 þúsund krónur fyrir sendingargjaldið. Einnig er á myndinni rifblaðka sem hún segist ekki kunna að sjá um.

Guðrún Veiga með allt góssið.
Guðrún Veiga með allt góssið. skjáskot/Instagram
mbl.is