Útibúum Landsbankans nánast lokað

Til að fá afgreiðslu í útibúi Landsbankans er nauðsynlegt að …
Til að fá afgreiðslu í útibúi Landsbankans er nauðsynlegt að panta tíma fyrirfram. mbl.is/Kristinn Ingvarsson

Vegna herts samkomubanns og til að sporna gegn útbreiðslu kórónuveirunnar geta viðskiptavinir Landsbankans aðeins fengið afgreiðslu í útibúi ef erindið er mjög brýnt og ekki er hægt að leysa úr því með öðrum hætti, þ.e. í sjálfsafgreiðslu eða með samtali við Þjónustuver. Til að fá afgreiðslu er nauðsynlegt að panta tíma fyrirfram. 

Þetta kemur fram í tilkynningu frá bankanum.

Breytingarnar taka gildi í fyrramálið og gilda þar til samkomubanni hefur verið aflétt.

Í tilkynningu bankans segir að aðstæður í útibúum og afgreiðslum séu mjög misjafnar og með því að takmarka heimsóknir í útibú sé betur hægt að uppfylla skilyrði samkomubannsins og gæta að öryggi viðskiptavina og starfsfólks. Um leið fjölgi starfsfólki sem geti svarað fyrirspurnum sem koma í gegnum síma, tölvupóst og netspjall.

Viðskiptavinir er hvattir til að óska aðeins eftir afgreiðslu í útibúi er erindið er mikilvægt og ekki hægt að leysa úr því með öðrum hætti; með stafrænum þjónustuleiðum bankans, Landsbankaappinu, í netbankanum eða með samtali við Þjónustuver, með tölvupósti eða með því að senda fyrirspurn í gegnum netspjallið á landsbankinn.is.

Ef ekki reynist mögulegt að afgreiða erindið með þessum hætti þarf að bóka símtal við ráðgjafa.

mbl.is

Kórónuveiran

28. mars 2020 kl. 15:19
963
hafa
smitast
97
hafa
náð sér
19
liggja á
spítala
2
eru
látnir
  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK