S&P reiknar með neikvæðum hagvexti um 7,5% á árinu

S&P reiknar með neikvæðum hagvexti um 7,5% á yfirstandandi ári …
S&P reiknar með neikvæðum hagvexti um 7,5% á yfirstandandi ári vegna verulegra neikvæðra áhrifa Covid-19 á ferðaþjónustu. mbl.is/​Hari

Alþjóðlega matsfyrirtækið S&P Global Ratings hefur staðfest A/A-1 lánshæfiseinkunnir ríkissjóðs Íslands með stöðugum horfum. Greint er frá þessu í frétt á vef Stjórnarráðsins.

S&P reiknar með neikvæðum hagvexti um 7,5% á yfirstandandi ári vegna verulegra neikvæðra áhrifa Covid-19 á ferðaþjónustu. Hógvær nettó skuldastaða hins opinbera veitir þó viðspyrnu við því áfalli sem kórónufaraldurinn hefur á íslenskt efnahagslíf.

Í frétta­til­kynn­ingu S&P kem­ur fram að stöðugar horfi endurspegli viðnámsþrótt hagkerfisins bæði á sviði ríkisfjármála sem og í ytri stöðu þjóðarbúsins, og veiti svigrúm til að takast á við áfallið vegna Covid-19 á næstu árum, og þær áhættur sem því fylgi.

Þar kemur enn fremur fram að lánshæfismat ríkissjóðs gæti hækkað ef staða opinberra fjármála og erlend staða þjóðarbúsins styrkist verulega umfram það sem fyrirtækið gerir ráð fyrir. Hraðari viðsnúningur en gert er ráð fyrir getur dregið úr skuldsetningu og næmni gagnvart ytri áhættuþáttum.

Þá gæti lánshæfismat ríkissjóðs lækkað ef samdráttur í efnahagslífi vegna Covid-19, mun vara lengur en gert er ráð fyrir, t.a.m. vegna lengri og dýpri niðursveiflu í ferðaþjónustu.

mbl.is
  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK